Otsailaren 4ean egingo den Santa Ageda egunerako entseguak pasa den eguenean hasi ziren. Jende falta nabaritu zuten antolatzaileek, eta hori dela eta, hurrengo bi entseguetan parte hartzera gonbidatu dituzte aramaioarrak. Datozen bi eguenetan izango dira saioak, Kultura etxean 19:00etan.
Aurten ere, Santa Ageda eskea egin ostean Iturrieta sagardotegian batuko dira parte hartzaileak mahai baten inguruan indarrak berreskuratzeko. Bazkarirako izen ematea zabalik dago, ondorengo prezioekin: Helduek 10 euro, eta gazteek 5. Izena eman nahi dutenek Bizente Goikoetxea abesbatzako, trikitia taldeko edo bertso eskolako arduradunekin jarri beharko dira harremanetan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.