Itur-zuri Emakumeen Elkarteak antolatuta La caja tonta antzezlana ikusteko aukera izango da domekan, 19:00etan, Kultura Etxean. Eskoriatzako Amuska Emakumeen elkarteak prestatutako antzerkia da, eta telebistak gaur egun gizartean duen eragina eta sortzen duen menpekotasuna kritikatzen ditu.
Umorea baliatuz, edukirik gabeko telezabor programen aurka egiten du obra honek. Hauek ikusleen pentsamendua baldintzatzen dutela ikusirik, horren aurkako iraultzara dei egiten du.
Ekainean estreinatu zuten Eskoriatzan, eta sarrera guztiak agortu zituzten. “Ahozko hainbat gomendio eta kritika entzun ditugu, eta obra Aramaiora ekartzeko aproposa zela erabaki genuen” adierazi du Mertxe Elorza Itur-zuri elkarteko kideak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.