Oporraldiaren eraginez hainbat zinegotzik ez dute parte hartu, baina hala ere, gutxieneko quoruma errespetatuz egin dute bilkura. Bilera azkarra izan da, gai bakarra landu dutelako; Udalaren eta bere esku dagoen Aramaioko Argindar Banatzailea enpresaren 2015eko ekitaldiko kontu orokorrak onartzea.
Lierni Altunak gaiari sarrera egin ostean bozkatzeko ordua heldu da eta bi alderdien aldeko botoekin onartu dute. Beraz, gaurko bilkura azkarraren bitartez onartuta geratu dira iazko ekitaldi ekonomikoko kontu orokorrak.
Lierni Altunak bere kezka azaldu du azken asteetan herriko komertzio eta tabernek izandako lapurretekin. "Azkenaldian lapurrak egon dira Anboto tabernan eta Kintelena dendan. Azkena, aurreko astean Añai tabernan. Abuztuan jende oso gutxi ibiltzen denez Aramaion Ertzaintzarekin harremanetan jarri gara segurtasun neurriak sendotzeko. Eurek dituzten baliabideak direnak dira, baina, lapurretak saihesteko neurriak hartzen saiatuko direla esan digute" adierazi du Altunak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
