Urriaren 1era arte ez dute autobus zerbitzuan aldaketarik egingo

Arantzazu Ezkibel Galdos 2016ko uzt. 26a, 12:09

Abuztuaren 1ean egin behar zituzten aldaketak atzeratzea erabaki du Foru Aldundiak; hala, autobus zerbitzuko aldaketak urriaren 1era arte ez dituzte egingo, momentuz. Orain arteko ordutegia izango du zerbitzuak abuztuan ere.

Udalak Foru Aldundiarekin elkarlanean jardun du azkeneko hilabeteetan autobus zerbitzua hobetzeko asmoz. Hala, zerbitzu berria martxan jarri zenean Udalak deialdia egin zuen herritarren kexak eta iradokizunak jasotzeko. Bada, horiek kontuan hartuta, Aldundiak adostu zuen abuztuaren 1ean aldaketak martxan jarriko zituela.

Zerbitzua bere horretan

Orain, baina, arazo batzuk tarteko, aldaketa horiek urriaren 1era atzeratzea erabaki du Aldundiak. Hortaz, momentuz, autobus zerbitzuak bere horretan jarraituko du.

Arrasate eta Aramaio arteko linea

Gasteizerako lineak erabiltzaile gutxi dituenez, ez dute aldaketa gehiegirik egingo. Aramaio eta Arrasate arteko linean egindako eskaera gehienak, aldiz, erantzungo dituzte.

 

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak