Komunak berritzen dabiltza San Martin eskolan

Arantzazu Ezkibel Galdos 2016ko uzt. 22a, 09:58

Hainbat lan egin behar dituzte eskolan datorren ikasturtea hasi baino lehen. Lehenengo eta bigarren solairuko komunak konpontzea da lan horietako bat. Eguaztenean hasi zen lanean Deguria Corporation S.L. enpresa. Guraso elkartearekin eta San Martin eskolarekin adostuta, Udalak Jaurlaritzako Hezkuntza sailean egin zuen lanok egiteko eskaera; bada, Jaurlaritzak 27.625,05 eurotan esleitu du lana. 

Udalak ere jarriko du dirua 

Diru-laguntzari esker 16.575,03 euro jasoko dira obra egiteko eta gainontzeko 11.050,02 euroak Aramaioko Udalak jarriko ditu bere dirutik; hau da, zerga, tasa eta Foru Aldunditik jasotzen den dirutik. 

"Hezkidetza plana jarraituz, denondako komun berdinak jarriko dituzte; eta, segurtasuna bermatzeko ere egingo dituzte lanak", azaldu du alkatea.

Gimnasioko lurra berritu 

Aipatutako lanez gain, gimnasioko lurra eta hormak ere berrituko dituzte. Azken ikasturtean bi aldiz sartu da ura gimnasiora eta horrek kalteak eragin ditu bai zoruan eta baita hormetan ere. Horrelakorik berriro ere ez gertatzeko Basagoitiko urak bideratu egin dituzte eta inguruko hainbat hodi konpondu. Iraileko lehenengo astean aldatuko dute zorua eta hormak margotu.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak