Zuiako kuadrillako Umeen Euskararen Eguna Legution egingo dute aurten

Zuiako kuadrillako udalekuetako haurrak Legution elkartuko dira datorren eguenean, uztailaren 21a, Umeen Euskararen Eguna ospatzeko. Aurtengoa XVII. ekitaldia izango da.

Kuadrillako udalerri guztietatik autobusa egongo da Legutiora joateko. Aramaiotik 10:15ean irtengo du autobusak, frontoitik. Jaia 10:30etik 14:00etara bitartean izango da: besteak beste, tailerrak, euskaraokea, puzgarriak eta diskofesta izango dute.

Udalekuetan ez dabiltzan umeak

Udalekuetan izena eman ez duten umeek ere izango dute Legutiora joateko aukera: horretarako, uztailaren 18a baino lehen eman beharko dute izena euskara@cuadrillazuia.com helbidean edo 945 43 01 67 telefono zenbakian. Udalekuetan ez dabiltzan 6 urtetik beherako umeak heldu batekin joan beharko dira.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.