Patatak zuritu eta zartaginean bigundu; arrautzekin nahastu eta gatza bota. Berriro zartaginera eta eginda dago patata tortilla. Halaxe egin dute gaur patata tortilla txapelketara aurkeztu direnek ere. Itxura ederra zuten guztiek, baina txapeldunak izan dira Adela Elejalde eta Aintzane Telleriarte.
Gazteak eta helduak elkartu dira, zeinek egingo tortilla goxoagoa. Iaz baino parte-hartzaile gutxiago izan da, sei guztira, baina giro bikaina izan dute udaletxeko arkupean.
Istriputxoren bat ere izan du talde batek; patata arrautzarekin nahasterakoan ontzia eta tortilla, guztia joan zaie lurrera. Hasierako sustoa pasatuta laster zuritu dituzte beste patata batzuk eta berriro lanari ekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.