San Martin jaiak 2016

Flamenko ikasleek euren artea kalera aterako dute

Maledantza taldeko kideek emanaldia eskainiko dute bihar arratsaldean txosnagunean.

Aramaioko Maledantza taldeko flamenko ikasleek, ume zein nagusiek, erakustaldia eskainiko dute bihar, zapatua, 17:00etan txosnetan.

Aurtengoa izan da flamenko eskolakoen lehen ikasturtea, eta orain arte ikasitakoa erakutsiko dute jendaurrean.

Nagusien taldetik lau emakumek hartuko dute parte, eta umeen taldetik, berriz, bost neskatilak. Taldeak eta dantzak tartekatu egingo dituzte. Bost dantza mota plazaratuko dituzte, guztiak "umore oso onarekin", Malena Lobo irakaslearen esanetan. Lobok aipatu du debuta "oso berezia" izango dela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.