Albaola museora irteera egingo dute erretiratuek uztailaren 14an

Argazkia: gipuzkoakomuseoak.net

Pasaiako Albaola museora bisita egingo dute erretiratuek datorren uztailaren 14an. Han egiten dabiltzan San Juan baleontzia ikusteko aukera izango dute aramaioarrek. Irteeran izena emateko azkeneko eguna uztailaren 11a izango da; 40 euro sartu beharko dute elkarteko kontuan.

Egitaraua izango da:

  • 8:50ean irteera.
  • 11:00etan Albaola museora bisita gidatua.
  • 14:00etan bazkaria: Ontziola jatetxean.
  • 17:30ean Pasai San Juaneko badian paseoa itsasontzian.
  • 19:30ean irteera.

 

Interesatuek 40 euro sartu beharko dute elkartearen kontuan –Laboral Kutxa–, uztailaren 11 baino lehen. Plaza mugatuak izango dira –55 plaza–.

San Juan baleontzia

XVI. mendean Pasaian eraikitako baleontzia da San Juan. Ozeanoa zeharkatzen zuen, Euskal Herritik Ternuara. 1565ean ondoratu zen Kanadako kostan, Red Bayn. Egun, baleontziaren erreplika eraikitzen dabiltza Albaolan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.