Enbata taldeak trikiti doinuak ekarriko ditu Sastiña aurrealdera

Idoia Azurmendi, abesten.

Ekaina iritsi da eta ekainarekin batera baita Kontzertuak Sastiñan musika jaialdia ere. Herriko musikariei lekua eskaintzea da jaialdiaren asmoetako bat; hori horrela, herriko bi talde ibiliko dira musika jotzen Sastiña aurrealdean. Gaur, barikua, Enbata talde gazteak girotuko du iluntzea.

Talde gazte eta berria 

Trikiti doinuak eskainiko dituzte Enbata taldekoek gaur. Talde gaztea da, eta baita hasi berria ere. "Maiatzean Bergaran egin zen trikiti egunerako sortu genuen taldea", azaldu du Maialen Madina taldekideak. Ordutik beste emanaldi bat ere eskaini dute; hain zuzen, Aramaion, Erainek antolatutako jaialdian.

Gaurkoa bigarren emanaldia izango da Julen Ibabe –bateria–, Xabi Zuazabeitia –baxua eta ahotsa–, Idoia Azurmendi –gitarra eta ahotsa–, Amaia Arregi –trikitia– eta Maialen Madina –panderoa– gazteendako. Lehenengo hiru neskak igoko dira agertokira, eta hiru abesti eskainiko dituzte. Ondoren igoko dira mutilak eta emanaldiarekin jarraituko dute. Herritarren aurrean jo behar arren, "lasai" daudela azaldu du Madinak. Abesti ezagunen bertsioak egiten ditu taldeak.

Herrikoak eta kanpokoak 

Hurrengo barikuan Libertad Condicional taldeak eskainiko du emanaldia, 20:00etan, Sastiñan. Azkeneko barikuan, ekainaren 24an, Gijonetik etorritako Viento Con Alma taldearen txanda izango da. Flauta, ahotsa eta kalimba doinuak ekarriko dituzte asturiarrek. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.