12:30ean hasiko dute eguna poteoarekin. Herriko tabernetan ibiliko dira. Ondoren, 14:30ean, bazkaria egingo dute –txartelak salgai daude tabernetan, 5 euroren truke–. Eguzkierripan bertan prestatuko dute bazkaria: pasta entsalada eta oilaskoa izango dute bazkaltzeko. 80 bat lagun elkartuko dira.
Bazkal osteko kontzertuak
Bazkal ondoren Txabela Bragas– palabras ke hace unos años una loka inskribio en la pared del manikomio– eta Hans, Willi eta Txakur igoko dira taula gainera, bazkal ostea girotzera.
19:30etik aurrera musika kontzertuak hasiko dituzte Eguzkierripan. Aretxabaletako Kalaña taldea, Zarzamora aramaioarrak, Lekeitioko Pornox taldea, durangaldean sortutako Nevadah eta Kraussk Mutrikuko metal taldea izango dira iluntzea girotzeko ardura izango dutenak.