Tere Gonzalez da kantu eskolako irakaslea –baita Izaskun Murgia elkarte lirikoko zuzendaria ere–. Emanaldian izango da Gonzalez bera, eta baita Marta Izagirre eta Eduardo Artzamendi piano-jotzaileak ere. Horiek pianoarekin lagunduko diete ikasleei.
Borondatea eskatuko dute
Emanaldia doan izango den arren, borondatea eskatuko dute: horretarako, kutxa batzuk jarriko dituzte sarreran eta jendeari bakoitzak ahal duen moduan laguntzeko eskatuko diote. Hala, aurrerantzean horrelako ekitaldiak antolatzeko dirua aterako dute.
Orain dela bi urte Arrasate Musikalen 40. urteurrenaren ospakizunen barruan horrelako ikuskizun batez gozatzeko aukera izan zuten aramaioarrek.