Lehiaketa bi kategoriatan banatuko dute:
- 15 urte arte.
- 16 urtetik gora.
Obra originalak
Edonork parte hartu ahal izango du helduen kategorian eta umeen kategorian, Aramaioko edonork. Pertsona bakoitzak bi lan aurkeztu ahal izango ditu, eta obra guztiak originalak izan beharko dira. Testu hau eraman beharko dute lan guztiek: "San Martin jaiak 2016... uztailak 1, 2, 3 eta 4"
Teknika librea izango da
Teknika librea izango da eta gehienez A3 neurria izan beharko du. Gutun-azal barruan aurkeztu beharko da kartela, eta kanpoan izenburua jarriko da: San Martin jaietako kartel lehiaketa. Barruan, gutun-azal txiki batean izenburu bera eta egilearen datuak sartu beharko dira.
Lanak aurkeztu beharko dira maiatzaren 31 baino lehen, Aramaioko udaletxean.
Sariak
Sariak izango dira: 15 urtetik beherakoendako 60 euro eta 16 urtetik gorakoendako 150 euro.