Herrian egingo diren ekintzak jasoko dituen agenda bateratua kaleratuko du hilero Udalak

Arantzazu Ezkibel Galdos 2016ko mai. 4a, 11:29

Aramaioko ekintzen agenda bakar eta bateratua argitaratuko du Udalak hilero aurrerantzean. Agenda horren beharra aspalditik datorren eskaera da; gainera, herriko beharrak identifikatzeko prozesuan ere irten den gaia izan da. Bada, behar horri irtenbidea ematea erabaki du Udalak. Hala, herriko elkarte eta eragileei dei egiten die zerbait antolatzen dutenean horren berri emateko hilabete hasieran. 

Herriko elkarteek, norbanakoek, tabernek, auzoek eta Udalak antolatzen dituen ekintzak aurrerantzean agenda bateratu batean argitaratuko dira. Horretarako ezinbestekoa izango da aurrez aipatutako eragileen kolaborazioa. Udalak dei egiten die zerbait lotzen dutenean horren berri emateko Udalean. Modu horretan, hil hasieran Udaletxean, kultura etxean eta herriko tabernetan eta komertzioetan hil horretako ekintzak batuko dituen esku-orria utziko dute herritarren eskura. Gainera, interneteko atarian eta saretik ere zabalduko dute agenda.

Bi helburu izango ditu

Maiatzean jarri dute martxan ekimen berri hau. Udalak bi helburu ezarri ditu agenda bateratua egiterakoan: 

  • Ekintza guztiak leku batean jaso eta ahalik eta gehien zabaldu, ahalik eta herritar gehienek jakiteko.
  • Herritarrak konturatzea eragile ezberdinen ekintzak leku bakarrean batuta, "nolako zortea" daukaten herri mailan dagoen mugimenduarekin.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak