Bere lursaila ehiza-barrutian sartzerik ez duenak nahi idatzi bat aurkeztu beharko du Udalean

Argazkia: eitb.eus

Aramaioko Udalak ehiza-barrutia berritu behar du. Barrutian lur zati publiko eta pribatu guztiak sartuko dira. Norbaitek bere lur zatia ehiza-barrutitik kanpo utzi nahi badu, horren berri emanez idatzi bat aurkeztu beharko du Udalean, apirilaren 23tik maiatzaren 11ra bitartean –biak barne–.

Ehiza-barruti berrituaren berri emango da Arabako lurralde historikoaren aldizkari ofizialean 2016ko apirilaren 22an argitaratuko den iragarkian. 

Argitaratzen denetik 15 egun balioduneko epean, kontrako idazkirik aurkezten ez dutenek, ulertuko da isil bidezko baimena emango dutela euren lur zatia barrutian sartzeko.

Hortaz, lur zatiren bat dutenek eta ehiza-barrutitik kanpo utzi nahi dutenek, horren berri emanez idatzi bat aurkeztu beharko dute Aramaioko Udalean apirilaren 23tik maiatzaren 11ra bitartean –biak barne–.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.