Oholtzapetik Entzulea Epaile egitasmoko bigarren saioa jokatu zuten aste bukaeran, Murgian. Bi aramaioar izan ziren saioan: Iker Agirre eta Peru Abarrategi. Eurekin batera, Oihane Perea eta Asier Otamendi igo ziren oholtza gainera. Entzuleek Perea aukeratu zuten Legutioko finalean parte hartzeko.
Lau saioa jokatuko dituzte guztira, eta finala Legution izango da, maiatzaren 13an. Ozaetan jokatutako lehenengo saioan Izar Mendiguren nagusitu zen; eta, bigarrenean Oihane Perea.
Egubakoitzean, apirilaren 22an, Aguraingo Zabalarte etxean, 20:30an, hirugarren kanporaketa jokatuko dute. Marta Ugarte gai-jartzailearen eskutik Manex Agirrek, Zigor Enbeitak, Felipe Zelaietak eta Asier Rubiok kantatuko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.