Bizente Goikoetxea omentzeko egingo dituzten ekitaldiak aurkeztu dituzte

Arantzazu Ezkibel Galdos 2016ko api. 7a, 13:52
Martinez de Luna, Altuna eta Etxenausia. Argazkia: Arabako Foru Aldundia.

Arabako Foru Aldundian egin dute aurkezpena gaur goizean. Bizente Goikoetxea musikari aramaioarra hil zela 100 urte beteko dira aurten; bada mendeurrena ospatzeko ekitaldiak aurkeztu dituzte Igone Martinez de Luna diputatuak eta Lierni Altuna alkateak. Hilaren 16an egingo dute ekitaldien inaugurazioa Aramaion.

Arabako Foru Aldundia eta Aramaioko Udala lankidetzan arituko dira Bizente Goikoetxea omentzeko. Aramaioko musikaria hil zeneko 100. urteurrena beteko da aurten –apirilaren 9an, hain zuzen–. Urte osoan zehar egingo dituzte ekitaldiak. Ekitaldien inaugurazioa hilaren 16an, zapatua egingo dute, Aramaion bertan.

Goikoetxearen ekarpenak

Aurkezpenean parte hartu dute Igone Martinez de Luna Euskara, Kultura eta Kirol Saileko diputatuak eta Lierni Altuna Aramaioko alkateak. Diputatuak arabar artistaren garrantzia goraipatu du: “Gizon hark ekarpen handia egin zion erlijio musikari, eta bere lanak kontinente osora hedatu dira. Nahikoa da Miserere mei Deus lan ezaguna aipatzea, bere balioa nabarmentzeko; bai eta beste obra batzuk ere, hala nola Salve Regina edo Christus Factus est moteta".

Egitaraua

  • Apirilaren 16an, zapatua, ekitaldien egitarauaren inaugurazioa.
  • Ekainaren 18an, zapatua, Araba abesbatzaren eta Gasteiz Camerataren kontzertua, Aramaion.
  • Abuztuan, Organo kontzertua.
  • Irailean, Araba abesbatzaren eta Gasteiz Camerataren kontzertua (Santa Maria Katedralean).
  • Urrian, Araba abesbatzaren eta Gasteiz Camerataren kontzertua (Amurrion). 
  • Urrian, mahai ingurua eta Goikoetxeari buruzko liburuaren aurkezpena.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak