Migel Sanzol izan da azkarrena Aramaioko BTT lasterketan

Euskadiko Openerako puntuagarria den lasterketa jokatu dute gaur Aramaion. Azken asteetan euri asko egin duen arren, gaurkoan ibilbidea ez zegoen oso lokaztuta, eta batzuek lokatza faltan igarri dute. Barajuenen egin duten lasterketan Migel Sanzol izan da azkarrena. Euskadiko Openeko sailkapenean, elite mailan, Ander Bengoa aramaioarrak jarraitzen du lider. 

Azkeneko urteetan bezala, Azkoagan irteera eman eta ibilbidea Barajuenen egin dute ziklistek. 5,5 kilometroko ibilbidea izan dute aurrean; nagusiek eta 23 urtez azpikoek bost itzuli egin dizkiote ibilbideari. Gainerako kategoriatan itzuli gutxiago egin behar izan dituzte. 

Hotz egin duen arren, eguraldia alde izan dute ziklistek. Lokatza "gutxi" zegoela adierazi du Ander Bengoa aramaioarrak, eta horrek "moteldu" egin duela lasterketa. Hala eta guztiz ere, bai ziklistak eta baita ikusleak ere gustura geratu dira Aramaioko 9. Sari Nagusiarekin.

Migel Sanzol izan da guztietan azkarrena; horregatik elite mailako saria eroan du, baina Sanzol izatez 23 urtez azpikoen mailakoa da. 

Gaurko podiuma osatu dute:

Elite mailan

1. Migel Sanzol

2. Eklegson Marquez

3. Diego Latasa

23 urtez azpikoak

2. Javier Sein

3. Txaber Madenaga

Junior

1. Julen Latorre

2. Aitor Izkue

3. Xabier Murias

Kadete neskak

1. Estibaliz Sagardoi

2. Mikele Etxekolenea

3. Andrea Perez

Kadete mutilak

1. Jokin Murgialdai

2. Aritz Errea

3. Daniel Egucar

Master 40

1. Luis Maria Urizar

2. Iker Irastorza

3. Esteban Sueskun

Master 30

1. Alex Alonso

2. Iker Avellanal

3. Iker Esnal

 

Gaurko lasterketako sariez gain, Euskadiko Openeko maillotak jantzi dituzten lehen sailkatuek. Elite mailan, Ander Bengoak jantzi du maillota.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.