Aramaioko trikiti eskolakoek euskal doinuen kontzertu polita egin zuten

Aitziber Aranburuzabala Juldain 2016ko mar. 12a, 12:30

Trikitiarekin eta panderoarekin askotariko doinuak jo daitezkeela erakustea gura izan zuten atzo Aramaioko eskolako ikasleek kultura etxean egin zuten kontzertuan. Eskolako 40 ikaslek, Bergaratik etorri ziren hainbat musikariren laguntzarekin, txandakako emanaldiak egin zituzten, lepo bete zen aretoan.

Ordubete eta erdi iraun zuen kontzertuan, garai ezberdinetako euskal kantuen errepasoa egin zuten, trikitiaren eta pandero doinuez gainera, gitarrarekin, baxuarekin eta bateriarekin jantzita.

"Oso polita izan zen. Gure eskolako ikasleei ikasten ari diren musika tresnekin zenbat gauza ezberdin sortu daitezkeen ikustarazi gura genien; eta, era berean, herritarrei erakutsi gura genien eskolan egiten den lana. Bergarako musikariez gainera, Xabi Igoa eta Peru Abarrategi herriko bertsolariak eta Maria Izaga abeslaria ere gonbidatu genituen. Kultura etxeko emanaldiaren ostean, 40 lagun elkartu ginen Añai tabernan afaltzeko", azaldu du Saioa Uriartek, Trikiti eskolako zuzendaritza taldeko kideak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak