Añai tabernan egin dute aurtengo bingo afaria, Ituri Zuriren eskutik

Itur Zuriko antolatzaileak eta bingozaleak.

Beste behin urteetako ohitura bete eta 26 emakume batu ziren egubakoitz iluntzean bingo afaria egiteko. Añai taberna aukeratu zuten aurten, ohi ez bezala. Itur Zuri emakume elkarteak antolatu du, ohi bezala. Gustura ibili ziren bingozaleak euren joko gogokoenean, eta oparien zozketa izan zuten, borobiltze gisa.

Eskolan egin beharrean, hotza egingo zuela eta, leku epelago baten egitea erabaki zuten aurten: Añai tabernan, hain zuzen ere.

80 urtetik gorako emakume taldetxoa batzartu zen egubakoitzean urteroko bingo jokoa egiteko. Itur Zuriko batzordekoak ere bertan izan ziren, eta batzordekide izandako bost bat emakume ere bai.

19:30ean hasi zen bingo partida. Kartoi bakoitzeko diru kopurutxo bat ipini zuten parte-hartzaileek; lerroa kantatzen zuenak heren bat eramaten zuen, eta bingoa abesten zuenak, bi heren. Partida eta gero, 21:30 aldera, afaria hasi zen. Afalostean, Bidezko Merkataritzako produktuak zozketatu zituzten, kutxa apainetan sailkatuta. "Urteetako ohitura da eta pozik ibiltzen dira zaleak; aurten ere hala izan da", esan du Itur Zuriko Lourdes Markaidek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.