Emakumeen Nazioarteko Eguna ospatzeko hainbat ekitaldi antolatu ditu Itur-Zuri elkarteak udalarekin elkarlanean. Ospakizunak hasteko bingo-afaria izango dute bihar iluntzean eskolako jantokian. 19:30ean bingoa egingo dute eta 21:00etan afaria –aurrez izena eman behar da–.
Etzi, zapatua, Mantazpitik ikuskizuna eskainiko du Kornermorea kolektiboak. Poesia musikatu emanaldia izango da eskainiko dutena. Kultura etxean izango da, 19:30ean.
Maider Aldairen kartela
Martxoaren 8an kartel lehiaketaren sari banaketa egingo dute kultura etxean, 18:00etan. Aurtengo irabazlea Maider Aldai Parra izan da. Irudiaz gain, aukeratu duen leloa izan da: Kolpe, kolpe, kolpeka... josi ta josi, josi ta josi.
Sari banaketaren ondoren bideo kafe emanaldia egingo dute kultura etxea, bertan.
