Itur-Zuri kalean behin behineko konponbidea jarri diote ur arazoari

Azkeneko urteetan ur arazoak izan dituzte Itur-Zuri kalean. Goiko lur sailetatik eta saihesbidetik datorren ura bidera irteten zen. Udalak Diputazioarekin dihardu arazoa konpontzeko lanetan; bien bitartean, behin behineko konponbidea jarri dute pareko bidera urik ez irteteko.

Goiko lursailetatik eta saihesbidetik datorren ura bideratzeko, hasiera batean, obra txiki bat egin zuten iturrira ura bideratzeko. Baina, ez da nahikoa izan arazoa konpontzeko. Saihesbidetik datorren ura eta gaineko lur sailetatik datozenak ondo hartuak ez egoteak sortzen du arazoa; hala, behin behineko konponbidea jarri dute ura bidera ez joateko.

Urak sortzen dituen arazoak konponduta

Ura irteten den horma zatian urak jaso eta iturrira eramateko sistema bat jarri dute. Espaloiaren zati bat baliogabetzen du egin duten lanak, baina oraingoz pareko bidera ez da urik irteten. Modu horretan, urak sortzen dituen arazoak (ura izoztuz gero bidea labainkor egotea;  bidea behar baino gehiago izorratzea...) konpondu dituzte.

Udala eta Aldundia elkarlanean

Udalak Aldundiarekin dihardu lanean –Aldundia da saihesbidearen jabea– arazoari behin betiko irtenbidea bilatzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.