Garoñako zentral nuklearra betirako ixtea aho batez eskatzeko Arabako Batzar Nagusiek ekitaldi instituzional eta soziala antolatu dute. Martxoaren 19an izango den ekitaldian parte hartzeko deia egin dute. Aramaioko osoko bilkurak aho batez onartu zuen Garoñaren irekieraren aurkako mozioa azaroko bilkuran.
Helburua da erakustea Arabak masiboki eta aho batez errefusatzen dituela Garoñako zentral nuklearraren jarduerari eusteko saiakera guztiak. Hala, martxoaren 19an egingo dute aldarrikapen ekintza, eta ahalik eta parte-hartzaileena izatea nahi dute.
Aramaioko alkateak, Lierni Altunak, baieztatu du ekitaldian izango dela; han izango dira, baita, Aramaioko EAJko hiru zinegotziak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.