Aramaion jaiotako edo Aramaion bizi den edonork parte har dezake lehiaketan. Martxoaren 8aren harira antolatutako lehiaketa da, Emakumearen Nazioarteko Eguna ospatzeko.
Lanak izan beharko duen formatua izango da:
- Kartelaren neurria 50x70 zentimetrokoa izango da, gehienez.
- Kartela formatu digitalean aurkeztu beharko da.
- Teknika libre izango da.
- Aramaioko armarriaren irudia agertu beharko da.
Testu librea izango du
Kartelak derrigorrez testu bat izan beharko du euskaraz; diseinuari ematen zaion garrantzi bera emango zaio testuari irabazlea nor den erabakitzeko. Horrez gain, Martxoak 8 Emakumeen Nazioarteko Eguna 2016 esaldia eraman beharko du kartelak.
Noiz aurkeztu behar dira kartelak
Kartelak 2016ko otsailaren 24ko 14:00ak baino lehen aurkeztu behar dira Aramaioko udaletxean. Bizente Goikoetxea plaza, 1. 01160 Aramaio. Telefono zenbakia: 945 44 50 16.
Lanak aurkezteko modua izango da: egilearen nortasuna azaldu gabe eta atzealdean lema bat duela aurkeztu behar dira kartelak. Horrekin batera, gutun itxi batean lema bera eta egilearen datuak adieraziko dira:
- Izen-abizenak.
- NAN zenbakia.
- Telefono zenbakia.
Sariak
Banatuko dituzten sariak dira: irabazleak 200 euro eramango ditu eta bigarrenak 100 euro.
