Haurreskolako hainbat material Udaleko almazenetan gordeta daude. Bada, egunotan, almazena txukuntzen ibili dira eta materiala aztertu eta txukundu ostean, hainbat gauza herritarrei eskaintzea erabaki dute. Umeendako jostailuak eta hainbat material dira herritarrentzat utzi dituztenak. Interesa duenak Udalean egin beharko du eskaera.
"Haurreskolako langileekin materiala aztertu eta txukundu ostean, erabiltzen ez diren eta soberan dauden gauzak, egoera berri edo onean daudenak, almazenean alperri galtzen eduki beharrean Aramaioko herritarrei eskaintzea erabaki dugu", azaldu du Lierni Altuna alkateak ohar bitartez. Modu horretan, berrerabilpena bultzatu gura dute kontsumoaren aurretik.
Eskainiko dituzten objektuak
Herritarrei eskainiko dizkieten gauzak dira:
- umeendako jostailuak
- hainbat pelutxe
- kuxin lunbar bat
- 2 arrainontzi
- 10 plastikozko adur-zapi
- 2 hamaka
- trona bat
Eskaerak Udalean egin behar dira
Interesa duenak Udalean egin beharko du eskaera otsailaren amaiera baino lehen. Objekturen batek eskaera bat baino gehiago izango balu zozketa egingo lukete.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak