Euskararen erabilera neurtuko dute, hutsuneak non dauden zehazteko

Euskararen jarraipen batzordeak bilera irekia egin du. Helburua izan da Txirritolak eta Udaleko euskara sailak antolatzen duten urteko programa adostea. "Elkarren artean adostu nahi izan dugu aurten indarra non ipini", azaldu du Rosa Mondragon Udaleko euskara teknikariak. Sentsibilizazio arloan, euskararen erabilera neurtzeko kale neurketa egingo dute.

Ekintzekin aurrera jarraitu 

Urtero egiten dituzten ekintzekin aurrera egitea adostu dute: ikastaroekin, Uemak eskaintzen duen zerbitzua berdindu edo indartu eta Txirritolaren ipuin lehiaketarekin, besteak beste. 

Aurten indarrak non ipini behar dituzten erabakitzerakoan, bat etorri dira elkartutako guztiak. Bi arlo jorratuko dituzte: sentsibilizazioa eta elkarlana.

Egoera neurtuko dute 

Sentsibilizazioa jorratzeko euskararen erabileraren kale neurketa egitea erabaki du Udalak. Modu horretan, egoera zein den eta ze taldetan dauden hutsuneak ikusiko dute: "2012an egin zen azkena; aurtengo neurketarekin tendentzia zein izan den ikusiko dugu", dio Mondragonek.  

Horrez gain, Udalak bere esku dituen baliabideak erabiliko ditu euskararen inguruko mezuak zabaltzeko, "tantaz tanta". Asmoa "erabilera indartzea" izango da. Gainera, herriko eragileekin batzarrak egingo dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.