Bihar, zapatua, Santa Agedaren omenez kantuan irtengo dira aramaioarrak. Santa eske herrikoia egingo dute 10:00etan hasita. Plazan izango dute hitzordua. Bi taldetan banatuta ibiliko dira kantuan, herriko auzoetan.
Talde batek Eguzkierripa aldera egingo du eta besteak, Zalgotik Arraga aldera. Kantuan ibili ostean, Iturrieta sagardotegian elkartuko dira denak bazkaltzeko. Arratsalde partean kalean ibiliko dira.
Bertsoak eta trikitia
Lau talde ibili dira antolakuntza lanetan: bertsolariak, trikitilariak, eta Bizente Goikoetxea eta Papargorri abesbatzak. Hala, gurean ezagunak diren Santa Ageda abestiez gain, bertsolariek bat-batean abestuko dute, eta trikitilariek musika jarriko dute.
Iluntzean erretiratuen elkartean egingo dute afaria, egunean zehar jasotako generoarekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
