Inoiz baino familia gehiago behar dira Saharako haurrak etxean hartzeko

Arantzazu Ezkibel Galdos 2016ko urt. 28a, 15:00

Sahara eutsi elkarteak Oporrak bakean 2016 programa martxan jarri du. Helburua da uztaila eta abuztuan 10 eta 12 urte bitarteko haurrak errefuxiatu kanpamentuetatik ateratzea. Aurten, gainera, urrian izan zituzten uholdeen ondorioz inoiz baino familia gehiago behar dira haurrak hartzeko.

Programaren helburua da bi hilabete horietan desertuan izaten dituzten tenperatura altuetatik babestea haurrak; gainera, azterketa medikua egiten zaie eta modu horretan oinarrizko arazoak konpontzen zaizkie.

Elkarbizitza hori bi aldeentzat da aberasgarri: batetik, haurrek saharar errefuxiatu kanpamentuetatik oso ezberdinak diren gauzak ikasten dituztelako; eta, hemengoentzat herri xume horrek dituen baloreak, kultura eta egoera ezagutzeko aukera izaten dutelako.

"Zure elkartasuna behar da"

Sahara eutsi elkarteak dio programa hau aurrera eramateko behar den bakarra "elkartasuna" dela. Horregatik, herritarrak animatu nahi dituzte programan parte hartzera.

Urrian izan zituzten uholdeak

Urrian izan zituzten uholdeen eraginez, aurten, inoiz baino familia gehiago behar dira, milaka haurrek handik ateratzeko beharra dutelako. Interesatuek idatzi saharaeutsi_elkartea@hotmail.com helbidera edo deitu 679 828 784 eta 647 318 565 telefono zenbakietara. 

Arabako elkartea da

Sahara eutsi elkartea orain dela zazpi urte sortu zuten, eta Arabako harrera familiekin egiten du lan. Elkarte horren bitartez, iaz, haur saharar bat egon zen Aramaion.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak