Elizan egin zuten kontzertua esandako herri guztietatik etorritako taldeek. Aramaiok ireki zuen kontzertua: Papargorri haur abesbatzak, Alaiak erretiratuen elkarteko taldeak, Bixente Goikoetxea abesbatzak eta zenbait herritarrek osatutako beste talde batek hartu zuten parte. Aipatzekoa da, Alaiak erretiratuen elkarteko taldeak debuta egin zuela; duela urte bat hasi zituzten entseguak eta atzokoa izan zen euren estreinako kontzertua.
Otxandioarrak izan ziren bigarrenak abesten: eskola umeez osatutako bi taldek eta Oihandi-Soinubil abesbatzak hartu zuten parte.
Legutioarrak izan ziren hirugarrenak parte hartzen bi talderekin: familiez osatutako taldea eta nagusi taldea. Eta amaitzeko, Arrasateko Portaloi taldeak lau Gabon kanta abestu zituen.
Topaketari amaiera emateko, parte-hartzaile eta entzuleek, elkarrekin, Hator Hator abestu zuten.
Hauek topaketan abestutako lehengo Gabon kantuetako batzuk: Jainko haurre jaio zaigu; Noel, Noel; Irten ezazu; Zer egin eta zer jazo da; Gaur Belenen; Gabon gabien usu dugunok; Jesus gure arbolea; Bedinka gerta dedilla; San Nikolas; Aginaldo, Inuzente; Urte barri-barri; Erregen-erregen; Oles-oles; Olentzero; eta Gabon-Gabon.
