Indarkeria matxistaren aurka agertu dira aramaioarrak

Argazkia: Cristina Etxenausia.

Atzo, Emakumearen Aurkako Indarkeria Matxistaren Kontrako Nazioarteko Egunean elkarretaratzea egin zuten herriko plazan. 50 bat herritar elkartu ziren Indarkeria matxista inoiz, inori, inon pankartaren atzean. Amaieran, manifestua irakurri zuten.

Aste bukaeran ere hainbat ekintza egin dituzte Aramaion indarkeria matxista salatzeko. Antolatutako ekitaldietan herritarren erantzuna ona izan dela azaldu du Cristina Etxenausia zinegotziak.

Murala margotu dute

Zapatuan, esaterako, herriko hainbat eragilek kupelak margotu zituzten. Kupel horiek auzoetan harriko dira ikusgai. Horrez gain, Maialen Aldaik murala margotu zuen.

Filma

50 sombras de Grey filma eskaini zuten zapatuan, eta ondoren solasaldia izan zuten Maitane Arnaizekin. "Esperientzia polita" izan zela dio Etxenausiak, eta jendeak bere iritzia eman zuela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.