'Biolentzia matxistarik ez!' lelopean hainbat ekintza egingo dituzte Aramaion

Azaroaren 25aren harira, hainbat ekintza antolatu dituzte Biolentzia matxistarik ez! lelopean. Azaroaren 20an, egubakoitza, film laburren emanaldia eta eztabaida izango dute gazte lokalean, 19:00etan. Zapatuan, 9:30ean hasita, herriko eragileek kupelak jarriko dituzte plazan, eta murala margotuko dute. 22:00etan, Kultura etxean, 50 sombras de Grey film ezaguna eskainiko dute, eta horren inguruko eztabaida izango dute ondoren. Azaroaren 25ean, eguaztena, kontzentrazioa egingo dute herriko plazan, 18:00etan.