San Martin txapelketako hiru sari, herriko pilotarientzako

Uztailean abiarazitako San Martin pilota txapelketako finalak jokatu dituzte gaur, domeka, herriko pilotalekuan. Herriko pilotariez gainera, Gasteiztik eta Laudiotik etorritako 8 eta 16 urte bitarteko hamasei bikotek jardun dute nor baino nor, garaikurra etxera eramateko asmoarekin. 

Herriko hiru bikotek lehiatu dute , eta horietako bi euren kategoriako onenak izan dira: Benjamin mailako Lier Camino eta Beñat Goikoetxea, batetik, eta kategoria bereko Sabin Abarrategi eta Lander Perez, bestetik. Laukoteaz gainera, Arriolabengoa aramaioarrak, alebin kategoriako sari nagusietako bat eskuratu du; Laudioko Eskuza pilotariarekin osatu du hark bikotea. Pilotariek sariak gainera, harmailak nahiko bete dituzten zaleen txaloak ere jaso dituzte; horien artean protagonisten gurasoak eta senitartekoak gehienbat. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.