San Martin pilota txapelketako finalak domekan jokatuko dituzte

San Martin pilota txapelketa iritsi da amaierara. Bi hilabeteren ostean, domekan, finalak jokatuko dituzte. 10:00etan hasiko dituzte norgehiagokak: zortzi sailetako zortzi finalak jokatuko dituzte. Aramaioko pilotariak lau finaletan egongo dira: benjamin B mailan, benjamin A mailan, alebin A mailan–Llodioko pilotariarekin bikotea osatuta– eta infantil A mailan. Iaz bezala, aurten ere gogor lan egingo dute aramaioarrek txapelen bat etxean gera dadin.

Bigarren txapelketa

Aramaioko pilota elkartea buru belarri ibili da lanean: "Gure balorazioa positiboa da", azaldu du Josu Olaizolak. Iraila eta urria bitartean Arabako neska mutikoei pilotan egiteko aukera ematea izan da San Martin txapelketa antolatzearen helburua. Iaz egin zuten lehenengoz, eta aurten errepikatu egin dute. 100 partidu inguru antolatu dituzte eta hori lortzeko lan handia egin behar izan dutela esan du Olaizolak. "Pozik" daude emaitzarekin.

Finalak: domekan, 10:00etan

Benjamin B
Camino - Goikoetxea ARAMAIO / Sergio - Unax TXUKUN

Benjamin A
S.Abarrategi - Perez ARAMAIO / Moya - Reinaldo HERRIAREN

Alebin B
Gaizka Donaire - Kimetz Uriguen-Pagate ADURTZA / Akixo - Moraza TXUKUN

Alebin A
Eskuza - Arriolabengoa ARAMAIO-HERRIAREN / Rivas - Altube TXUKUN

Infantil B
Diaz de Gereñu - Larrieta TXUKUN / Urko Ugalde - Joseba Letona ADURTZA

Infantil A
Aspe - Kintana - J. Errasti ARAMAIO / Amondo - Saez HERRIAREN

Kadete B
Orue - Martinez de Murgia TXUKUN / Markaida - Sueiro OION TXUKUN

Kadete A
Alava - Gonzalez AMURRIO / Albizuri - Gorostiza AMURRIO

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.