Aurtengo ezti berria puntu-puntuan dagoen honetan, Aramaion ekoizten diren ezti ezberdinak dastatzeko ekintza antolatu du Aramailur Kontsumo Elkartetik. Ezti mota ezberdinen ezaugarriak zein diren ikasi eta horiek ezberdintzeko pistak emango ditu Juan Mari Arriolabengoak. Gaur izango da dastatzea, 18:30ean.
Bi zati izango ditu gaurko saioak: batetik, ezti mota ezberdinen ezaugarriak zein diren ikasi eta hauek ezberdintzeko pistak emango ditu Juan Mari Arriolabengoak. Eztia era askotakoa izan daiteke: mila-lore –Armaion hori ekoizten da–, erromeroa, eukaliptoa... horien ezaugarriak zeintzuk diren azaldu ditu Arriolabengoak. Bestetik, Aramaion ekoizten diren eztiak dastatzeko eta erosteko aukera egongo da.
Bost ekoizle
Aramaioko bost ekoizleren eztiak egongo dira gaurko saioan: Jesus Gardokiren Gardoki eztia, Roberto Aginagalderen Txoroko eztia, Juan Mari Arriolabengoaren Aldeko eztia, Maximo Kurtzelairena eta Jose Lonbiderena.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak