Euskarazko eta ahozkotasunari lotutako sormen lanak sustatzeko laguntzak emango ditu Gasteizko Udalak

Gasteizko Udalak gazte sortzaileei luzatutako beka deialdia onartu zuen urriaren 2an. Euskarazko kulturgintza bultzatzea da asmoa. Bekaren helburuak dira: gazteen artean sorkuntza bultzatzea; eta, Gasteizko kultura programazioan eragitea, gazteek gazteentzat sortutako jardueren bitartez.

Lurralde historikoan erroldatuta egotea derrigorrezkoa

17 eta 35 urte bitarteko gazteek parte har dezakete deialdian –lurralde historikoan erroldatuta egotea derrigorra izango da–. Proiektuak bakarka zein taldeka aurkez daitezke.

18.000 euroko diru zuzkidura

Deialdira aurkeztuko diren kultur ekitaldi edo proiektuak inoiz taularatu gabeak izango dira. Euskaraz eta ahozkotasunari loturik egongo dira: antzerkia, bakarrizketa, poesia-emanaldia, musika, bertsolaritza eta ikus-entzunezkoak, besteak beste. Deialdiak 18.000 euroko diru zuzkidura du, eta proiektu bakoitzak 4.000 euro jasoko du, gehienez.

Proiektuak Gasteizko Udalean aurkeztu behar dira

Proiektuak aurkezteko epea azaroaren 13a izango da. Gasteizko Udalaren erregistro nagusian aurkeztu beharko dira, Teodoro Dublang margolaria 25 zenbakian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.