'Beltzean mintzo. Amerikako jatorrizko hizkuntzen arnasa' ikus-entzunezkoa eskainiko dute eguaztenean

'Beltzean mintzo' ikus-entzunezkoaren fotograma.

Euskara eta Ameriketako jatorrizko hizkuntzen gaineko ikus-entzunezkoa eskainiko dute eguaztenean Sastiñan. Beltzean mintzo. Amerikako jatorrizko hizkuntzen arnasa da Garabidek ekoiztutako dokumentala. Ondoren, solasaldia izango dute Txema Abarrategik aurkeztuta.

Zer ari da gertatzen Ameriketako jatorrizko hizkuntzekin? Nola ikusten gaituzte euskaldunok gainerako hizkuntza gutxituetako hiztunek? Galdera horiek eta beste zenbait ardatz hartuta egindako dokumentala da Beltzean mintzo. Lehen aldiz Ameriketako zazpi hizkuntza-komunitateetako ordezkariak beraien hizkuntzaren egoeraz eta euskararengandik ikas dezaketenaz jardungo dute.

Solasaldia

Emanaldia hilaren 21ean eskainiko dute, 18:00etan, Sastiñan. Dokumentalaren ondoren solasaldia egingo dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.