Orixol mendi taldeak antolatuta, 97 pertsonak hartu dute parte guztira ekimenaren XIX. edizioan. Iker Senar antolatzaileak adierazi du "pozik" daudela jendeak izandako erantzunarekin. Aurten, orain artekoa baino ibilbide motzagoa burutu dute, 24 kilometrotakoa hain zuzen.
Goizeko zazpiak eta erdietan zabaldu dute Aitor Aranaren omenezko XIX. martxan izen emateko tartea, eta zortzietan abiatu dira mendizale guztiak. Ibarratik irten dira, eta Lurgorri, Teilamendi, Zabalandi, Orixol, Marixeka eta Kurtzeta zeharkatu dituzte.
Eguerdiko hiruak aldean iritsi dira bueltan Aramaiora, eta Orixoleko Iker Senarrek adierazi duenez, "giro onean" pasatu dute goiza.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.