Ekimenean parte hartuko dutenei begira, Udalak formazio saioak antolatuko ditu gunearen funtzionamendua eta dinamika azaltzeko, eta baita konposta ondo egiten ikasteko argibideak azaltzeko ere. Asmoa da urri bukaeran edo azaro hasieran martxan jartzea konpost gunea.
Jarraipen zerbitzua egongo da
Gunea martxan jartzen denetik, batez ere lehenengo hilabeteetan, jarraipen zerbitzu bat egongo da, edozein arazo edo sortzen den zalantza berehala konpondu eta argitzeko.
Formazio saio irekiak
Formazio saioak irekiak izango dira; beraz, nahiz eta ekimen honetan izena ez eman, interesa duen edonork parte hartzeko aukera izango du.
Nola eman izena
Izena emateko, ondorengo korreo elektronikora mezu bat idatz daiteke al21zuia@gmail.com, edo udaletxeko telefonora deitu 945-445016.
