Gasteizen egin izan den jaialdia da; baina, iaz, Araian proba pilotua egin zuten, eta ikus-entzuleek emandako erantzun ona ikusita, aurten, Araba guztira zabaldu dute jaialdia. Araban egiten diren film laburrak eskaintzea da jaialdiaren helburua eta 661 film laburren artean 20 aukeratu dituzte jaialdian eskaintzeko. Antolatzaileek nabarmendu dute filmen kalitatea, umorea, intentsitatea eta aurpegi ezagunak.
Arabako film labur onenak erakutsi dizkiete aramaioarrei aire librean egiten den jaialdian. Antolatzaileen esanetan, eguenean 85 lagun inguru izan ziren elizako eskaileretan ikus-entzunezkoak ikusten, eta atzo, egubakoitza, berriz, 105 pertsona inguru elkartu ziren Bañera parkean. Jendeak "ondo" erantzun duela adierazi dute antolatzaileek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak