'Korterraza Araba' film labur jaialdia egingo dute gaur eta bihar Aramaion

Aire librean egiten den Korterraza Araba film labur jaialdiak Aramaion egingo du geldialdia gaur eta bihar. Gasteizen egin izan den jaialdia da; baina, iaz, Araian proba pilotua egin zuten, eta ikus-entzuleek emandako erantzun ona ikusita, aurten, Araba guztira zabaldu dute jaialdia. 22:00etan izango dira emanaldiak: gaur elizako eskaileretan eta bihar Bañera parkean.

Araban egiten diren film laburrak eskaintzea da jaialdiaren helburua.

Ikuslearen saria: 1000 euro

Jaialdiak sail ofiziala izango du. Sail horretan 20 lan eskainiko dituzte. Ikus-entzuleek botoa emateko aukera izango dute: ikuslearen saria 1000 eurokoa izango da.

Umorezko lanak

661 filma laburren artean 20 aukeratu dituzte jaialdian eskaintzeko. Antolatzaileek nabarmendu dute filmen kalitatea, umorea, intentsitatea eta aurpegi ezagunak.

Emanaldia izango dira: gaur, eguena, 22:00etan elizako eskaileretan; eta, bihar, egubakoitza, Bañera parkean. Eguraldi txarra egingo balu Sastiñan izango lirateke emanaldiak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.