Hasi dituzte udalekuak Aramaion

Gaur, eguaztena, hasi dituzte udalekuak Aramaioko neska-mutikoek. 105 gaztetxok eman dute izena aurtengo udalekuetan. Bederatzi taldetan banatuta ibiliko dira egun hauetan. Denetariko ekintzak prestatu dituzte: egubakoitzean, esaterako, San Ferminak ospatuko dituzte; eta, datorren eguaztenean, lip dub-a grabatuko dute. Hori izango da aurtengo berrikuntzetako bat.

Lehenengo egun honetan eguraldia ez dute alde izan. Hala, kultura etxeko sarreran, eskolan eta udaletxeko arkupetan egon dira umeak jolasean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.