Aramaioko EAJ: "Jaietan mezetara ez joatea ez dugu eztabaidatu ezta erabakia hartzeko orduan parte hartu ere"

Arantzazu Ezkibel Galdos 2015ko uzt. 1a, 11:29

Aramaioko Udalean dagoen EAJ taldeak azaldu du San Martin jaietan mezetara ez joateko erabakian Udal Gobernuak ez duela eurekin "ezer eztabaidatu": "EAJk ez du Liernik aipatutako eztabaidan eta erabakia hartzeko orduan parte hartu. Aipatutako erabakia EH Bilduk bere kabuz hartutakoa da".

Joan zen astean Lierni Altunak GOIENAri eskainitako elkarrizketaren harira, zenbait puntu argitu nahi izan ditu EAJk. Lierni Altunak zioen: "eztabaidatu ostean, erabaki dugu ez garela Udal moduan mezetara joango”. Bada, adierazpen horren aurrean zera dio Aramaioko EAJK: "EAJk ez du Liernik aipatutako eztabaidan eta erabakia hartzeko orduan parte hartu. Aipatutako erabakia Alkatetzak berak edo EH Bildu taldeak bere kabuz hartutakoa da". Eta gaineratu dute: "Udalak agertu beharreko izaera laikoaren gainean ados egonik ere, inork ez dio argibiderik eskatu EAJri San Martin egunean udalbatza modura mezatara joateari buruzko egokitasunaz".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak