Eskolartekoak azken hitzordua izango du zapatuan, Orion. Festa giroan ospatuko duten bertsolari finala izango da. Bederatzi bertsolari lehiatuko dira Euskal Herriko Eskolarteko Bertsolari Txapelketako finalean; tartean, Aramaioko Peru Abarrategi.
Bat-bateko finalari 11:00etan emango diote hasiera. Abarrategi eta Peru Amorrortu izango dira Arabako ordezkariak; Bizkaitik, Gipuzkoatik eta Lapurditik bina ordezkari egongo dira; eta, Nafarroako ordezkari bakarra.
Maialen Lujanbiok aurkeztuko du saioa eta irabazleari txapela Sustrai Colinak ipiniko dio. 14:00etan bazkaria izango dute; ondoren bertsotan ibiliko dira Lujanbio eta Colina.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.