Kontzertuak Sastiñan musika zikloa Jon Gartzia del Val arrasatearrak zabalduko du

Arantzazu Ezkibel Galdos 2015ko eka. 5a, 11:44

Jon Gartzia del Val Quartet taldeak irekiko du ekaineko Kontzertuak Sastiñan musika zikloa. Gartzia arrasatearra da eta goi mailako musika ikasketak egiten dihardu Iruñan. "Musika modernoan goi mailako zikloa, pianoan espezialitatea", azaldu du. "Ikasketa amaierako proiektua da egiten nabilena, eta hori da aurkeztuko dudana", gaineratu du. Jazz estiloko abestiak eskainiko dituzte, gehienak arrasatearrak konposatuak, bertsio pare bat izan ezik. Gaur, egubakoitza, izango da emanaldia, 20:00etan.

Bebop eta hard bop estiloak

Arrasatearrak azaldu du 40ko hamarkadako bebop jazz estiloan eta 50eko hamarkadako hard bop estiloan oinarritzen dela euren musika. Bederatzi abesti dira musikariak konposatu dituenak, azkeneko bi urteetan.  
Laukotea osatzen dute arrasatearrak (gitarra), Juan Carlos Hormigok (bateria), German Ruiz de Alejosek (baxua) eta Rafa Gonzalezek (saxofoia). Orain dela lau bat hilabete hasi ziren talde moduan kontzertuak eskaintzen.

Ekaineko zikloa, etxekoekin

Dagoeneko ezaguna da Aramaion ekaineko Kontzertuak Sastiñan musika zikloa –irailean ere egiten dute–. Aurten, herriko musikariei aukera eman nahi izan diete: datorren astean Amaia Arregi, Maialen Ballina eta Maider Gardoki hirukotea izango dira Sastiñan; ekainaren 19an Sustrai taldea; eta, ekainaren 26an bi talde elkartuko dira: Zarzamora eta Manex Arriolabengoa, Maria Izaga eta Sabin Aranburu. Elkarrekin joko dute Arriolabengoa bi taldeetako kide delako. Saio guztiak 20:00etan izango dira.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak