Helduendako oporren programan parte hartzeko eskariak ekainaren 5era arte aurkez daitezke

Helduendako oporren programan eskariak aurkezteko epea zabalik dago. Programa horren bitartez, interesatuek penintsulara, balearretara edo kanarietara joateko aukera izango dute, eta kultura zirkuituak edo natura turismoa egiteko modua izango dute. Eskariak ekainaren 5era arte aurkez daitezke, udaletxean.

Programan parte hartzeko baldintzak dira:

  • 65 urte edo gehiago izatea.
  • Pentsioen sistema publikoko erretiro-pentsioduna izatea.
  • Alarguntasun pentsioduna eta 55 urte edo gehiago izatea.
  • Beste kontzeptu batzuen pentsioduna edo diru-laguntzen onuraduna izatea, eta kasu guztietan 60 urte edo gehiago izatea.

Ezkon kideak parte har dezake eta ez ditu zertan baldintzak bete behar.

Seme edo alaba elbarria izanez gero, lagun gisa joateko aukera izango du, baldin eta elbarritasun gradua %45 edo gehiagokoa baldin bada.

Informazio gehiago behar izanez gero udaletxeko Oinarrizko Gizarte Zerbitzura jo beharko du interesatuak.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.