Flamenko doinuak eta kantu afaria Aramaioko Musika Astearen barruan

Jendea animatu zen Aitor Escobarren kontzertuan dantza egitera.

Bixente Goikoetxea eta Elai abesbatzen emanaldiekin eman zaio amaiera gaur Aramaioko Musika Asteari, baina aurreko egunetan ere egon da musikaz gozatzeko aukerarik herrian.

Egubakoitzean, Txorbela otxoteak girotu zuen poteoa, eta iluntzean,  Aitor Escobar arrasatearraren flamenko doinuek hartu zuten Sastiña. Origen izeneko ikuskizuna aurkeztu zuen Escobarrek bertan, eta goraino bete zen aretoa. Emanaldiaren bukaeran egon zen flamenkoa entzun bakarrik ez, dantzatzera ere animatu zenik.

Kantu afaria, giro onean

Atzo bestalde, handi eta txiki, 40 pertsonatik gora batu zituen eskolako jangelan egin zuten kantu afarian. Afaldu aurretik, trikipoteoa egin zuten herrian Bertso Eskolakoen eta Aramaioko Trikiti Eskolakoen parte-hartzearekin. Afalostean, bestalde, askotariko kantuak abestu zituzten: batzuk horrelakoetan ohikoak diren abestiak izan ziren, baina Loquilloren edo Doctor Deseoren kanturik ere abestu zuten. Antolatzaile lanetan ibili den Larraitz Arriolabengoak, kantu afarian egon zen giro ona azpimarratu du.

 

Erlazionatuak

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.