"Elkarbizitza baketsua defendatzeko grina" duela azaldu du Lasartek: "Ezberdintasunak errespetatu, berdintasuna, askatasuna, elkartasuna eta justizia soziala", izango dira sozialisten oinarriak. "Balore horiek beti defendatu izan ditugu sozialistok; gaur egun, arriskuan dauden baloreak dira, batez ere, eskuinaren politikengatik eta abertzaletasun baztertzailearen aldetik daude arriskuan", gaineratu du hautagai sozialistak.
Aurrerakoien eta ezkertiarren botoa nahi dute
"Pertsona aurrerakoi eta ezkertiarren botoa" gura dute. "Gaur egun Aramaio dena baino herri aurrerakoiagoa nahi dutenei aukera eman nahi diegu", dio Lasartek. "Ilusioz betetako erronka" dela gaineratu du Lasartek. Diputazioan lan egiteak Aramaio ezagutzeko aukera eman dio: "Aramaioren edertasuna eta idiosinkrasia berezia ezagutzen ditut".
Aramaion "ahots berri bat" izan nahi dutela gaineratu du Lasartek, "elkarbizitza samurragoa eta pluralagoa egingo duen ahotsa".
