Ekitaldi nagusia hasi aurretik, telekin eskua irudikatu dute aramaioarrek, eta gero bi jostun telak josten hasi dira. Bitartean, herriko hainbat artistek emanaldiak egin dituzte.
Ekitaldi nagusiari hasiera, Paula Amilburuk eta Zigor Enbeitiak eman die bertsotan. Gero, Aramaion bizi den argentinar bikote batek boxeo saio bat egin du eta bertan irudikatu dute inposizioa, erabakitzeko eskubidearen kontra borrokatu direla. Iparraldeko Zudairetik etorri diren lagunek kantuan egin dute ondoren, Aramaioko herriarekin anaitzeko, eta, Papargorri herriko txikienen abesbatzak hartu du lekukoa gero. Bixente Goikoetxea abesbatzakoak izan dira horren ostean, eta neska gazte kuadrilla batek lau abesti jo ditu. Horren ostean, herritar guztiek dantza egiteko bi kantu jo ditu Lagun Artea izeneko dantza taldeak, eta, Maria Izagak eta Manex Arriolabengoak eman diete amaiera ekitaldiari.
Herritar guztiek Gure Esku Dago kantua abestu dute amaieran eta pintxo eta edatekoa izan da horren ostean.
