uiako Koadrilako udalerrietan bizi diren umeek har dezakete parte Pazko astean izango den barnetegian, Lehen Hezkuntzako 3, 4, 5 edo 6. mailan ibili behar dute horretarako.
Euskara eta bertsoak helburu
Euskararen erabilera bultzatzea da barnetegia antolatzearen helburu garrantzitsuena. Hain zuzen, Pazko asteko oporraldia aprobetxatuz, bere erregistrorik ludikoena garatzea eta ondare kulturala sakonago ezagutzea. Hori egingo dute parte hartzaileek, baina, guztiaren gainetik, primeran pasako dute.
Ume asko daude etxean gurasoekin euskaraz aritzea ezinezkoa dutenak, eta, horregatik, euskararen erabileran bizipen positiboa eman nahi diete gaztetxoei. Antolakuntza lanetan diharduen Manex Agirre bertsolariaren esanetan: "Bertsoa medio erakargarri moduan erabiliko dugu, baina presio barik; nahi duenak kantatuko ditu bertsoak. Helburua ez da barnetegitik bertsolariak ateratzea, bertsozaletasuna zabaltzea baizik".
Hori horrela, hainbat ekintza prestatu dituzte hiru egun horietarako: bertso-ginkanak, aisialdi jarduerak bertsoa erabilita, zikin jokoak, mendi bueltaren bat edo beste, tailerrak, gaubeilak eta bertso-esketxak, besteak beste.
Izena emateko xehetasunak
Aramaioko, Arratzua-Ubarrundiko, Legutioko, Urkabustaizko, Zuiako edo Zigoitiko udaletxera joan behar da izena ematera, edo Zuiako Koadrilaren Murgiako egoitza nagusira. Batera edo bestera joanda, bertan dauden izena emateko orriak bete behar dira. Informazio eta argibide gehiagorako, Zuiako Koadrilako Euskara Zerbitzura deitu (945 43 01 67) edo euskara@cuadrillazuia.com helbidera idatz daiteke.