Arabako Bertsolari Txapelketa bukaerara iristen ari da: bi itzuli izan dira eta, horietako bakoitzean, hiru finalaurreko. Bigarren itzuliko hirugarren finalaurrekoa izango da zapatu honetan jokatuko dena, seigarrena eta azkena.
Sei bertsolarik parte hartuko dute Langraiz Okako finalaurrekoan:
- Paula Amilburu (Aramaio)
- Jagoba Apaolaza (Gasteiz)
- Ander Solozabal (Gasteiz)
- Iker Pastor (Zalduondo)
- Xabi Igoa (Aramaio)
- Zigor Enbeita (Abornikano)
Bertsolari horiek Langraiz Okan lortzen duten puntuazioa eta lehen itzulian lortutakoa aintzat hartuta itxiko da sailkapena; zapatuan jakingo da, beraz, nortzuk diren finalistak.
Gai-jartzaileaa Gasteizko Veronica Domingo izango da.
Arabako Bertsozale Elkarteak Añanako Euskara Elkartearekin eta Langraiz Okako Udalarekin batera antolatu du saio hau.